إذاالمـــــــــــراجل لبســـة شمــــــــاغ وعقــــــــــال ,,,,,,,,,,و

السلام عليكم والرحمه

إذا المراجل لبسة شماغ وعقال
قل للعذارى يلبسنّ العمايم

ما عاد يفرق زول حرمه ورجال
دام الفعايل تشبه البعض دايم

المرجله ما هيب كلمه وتنقال
وتروح ما راحت هبوب النسايم

وإلا خشونة صوت أو رفع الأثقال
أو رزة صدور وفعل الزلايم

ولا هي بعد مفتاح موتر وجوال
وإلا ردى لسانن حديثه شتايم

المرجله شيمه عن القيل والقال
رفيع نفس (ن) حر بالجو حايم

المرجله عقلٍ وزن وزنه جبال
ودون العقل وش فرقنا والبهايم

يا مسندي لو مايل الوقت بي مال
يا ولد الغاليه يا عظيم العزايم

يا معرب الجدين من العم والخال
يا نخوة المفزوع وقت الهزايم

المرجله يالغالي هي طولة البال
هي العزم هي الصبر فالظلايم

فيها الكرم عزه دله وفنجال
فيها الكرامه عن ردى الطبع شايم

والدين لامنه خذا القلب منزال
مشى طريق الحق وابليس نايم

ومن لا عرف ربه في طيب الحال
لابد وقت الضيق بالهم هايم

حتى صلاتك مع جماعات ورجال
في خيرها يالغالي نعم الغنايم

ولامن نصف ليلك قم صفي البال
يا عظم أجرك بين ساجد وقايم

ولا من رفع ربي له كل الأعمال
حسن الذكر لا قالو فلان صايم

وخلك شريف القصد يا طيب الفال
سوء المقاصد فالبيوت الهدايم

واحذر تبيع النفس في دب الأنذال
وتتبع خوي إبليس راع النمايم

النفس خيل لك إذا كنت خيّال
ومن لا قوى نفسه قوته الهزايم

ولا صرت ما تدري لو يش أنت رجال
والله خسارة فيك ذبح التمايم

وسلامتكم..

عزيزتي مشكوووره ع الطرح في غايه الروعه

اعجبني هالبيتين بالذات
( والدين لامنه خذا القلب منزال
مشى طريق الحق وابليس نايم)

(ولا صرت ما تدري لو يش أنت رجال
والله خسارة فيك ذبح التمايم)

صدقتي وال بس وينهم يقرون طبعاا مو الكل

ربي يسعدك ،،،،،، دمتي بود

[b]

والله احنا مانقدر نتكلم كلام زي هذا تعرفي ليش مااااامعي ملعقه اشيل بيها الكلام الجميل اللي زي كذا طيب ولو يوم واحد سلفينا الملعقه علشان اشيل كلام حلو زي هذا وتسلمين ياعسل انتي

ويعطــيك العااافيه وصــح لساااانك على الكلماات الجميله تحياااااتي لـــك