قـــالــــوا تحبــــــــــــــــه >>>

قالوا تحبـه قلـت ماهـوب بالحيـل
بس انه أغلى شوي من نور عينـي
يسوى جميع الجيـل الأول وهالجيـل
واحبائـي الماضييـن والمقبليـنـي
شوقي له أعظم من ظما الأرض للسيل
وأشفق عليه أكثر مـن أم الجنينـي
وأحتاج له حاجة ثرى مصـر للنيـل
وعليه أغار ولو من مـا للوالدينـي
أشتاق لـه شـوق المحبيـن لليـل
وأرتاح له راحـة دمـوع الحزينـي
لا صار جنبي لو سنه وقتـي بخيـل
ولا غاب لو لحظات صـارت سنينـي
قالوا يحبك قلـت هـذا هـو الويـل
ما ودي أنشـد ثـم رفضـه يجينـي
وأهدم رجأي بدبرتي مثـل مـا قيـل
والأفضل أحيـا بالأمـل لـو لحينـي
يا حبكـم يـا نـاس للقـال والقيـل
والأمر لـو سهـل يصبـح مهينـي
خلوني أحيا فـي الوهـم ياعواذيـل
وش دخلكـم والأمـر بينـه وبينـي

الشاعر :سعــــود بــن بنـــدر (( رحمــه الله ))

كلمات رائعه وكاتب اروع يعطيك مليون عافيه على الكلمات والاختيار الراقي
الذي يدل على حسن الذوق وحسن النقل

تحياتي وتقدير للكاتبه

يعطيك العافيه واشكرك على حسن الثناء
اشكرك على مرررروررركـ